Sri Dattatreya Sahasranama Stotram 2

तॆलुगु
स्तोत्रनिधि
श्री दत्तात्रेय स्तोत्रालु
कदाचिच्छंकराचार्यश्चिंतयित्वा दिवाकरम् |
किं साधितं मया लोके पूजया स्तुतिवंदनैः ||

बहुकाले गते तस्य दत्तात्रेयात्मको मुनिः |
स्वप्ने प्रदर्शयामास सूर्यरूपमनुत्तमम् ||

उवाच शंकरं तत्र पतद्रूपमधारयत् |
प्राप्यसे त्वं सर्वसिद्धिकारणं स्तोत्रमुत्तमम् ||

उपदेक्ष्ये दत्तनामसहस्रं देवपूजितम् |
दातुं वक्तुमशक्यं च रहस्यं मोक्षदायकम् ||

जपेषु पुण्यतीर्थेषु चांद्रायणशतेषु च |
यज्ञव्रतादिदानेषु सर्वपुण्यफलप्रदम् ||

शतवारं जपेन्नित्यं कर्मसिद्धिर्न संशयः |
एकेनोच्चारमात्रेण तत्स्वरूपं लभेन्नरः ||

योगत्रयं च लभते सर्वयोगान्न संशयः |
मातृपितृगुरूणां च हत्यादोषो विनश्यति ||

अनेन यः किमित्युक्त्वा रौरवं नरकं व्रजेत् |
पठितव्यं श्रावितव्यं श्रद्धाभक्तिसमन्वितैः ||

संकरीकृतपापैश्च मलिनीकरणैरपि |
पापकोटिसहस्रैश्च मुच्यते नात्र संशयः ||

यद्गृहे संस्थितं स्तोत्रं दत्तनामसहस्रकम् |
सर्वावश्यादिकर्माणि समुच्चार्य जपेद्ध्रुवम् ||

तत्तत्कार्यं च लभते मोक्षवान् योगवान् भवेत् ||

ॐ अस्य श्रीदत्तात्रेयसहस्रनामस्तोत्रमंत्रस्य ब्रह्मऋषिः | अनुष्टुप्छंदः | श्रीदत्तपुरुषः परमात्मा देवता | ॐ हंसहंसाय विद्महे इति बीजम् | सोऽहं सोऽहं च धीमहि इति शक्तिः | हंसः सोऽहं च प्रचोदयात् इति कीलकम् | श्रीपरमपुरुषपरमहंसपरमात्मप्रीत्यर्थे जपे विनियोगः ||

अथः न्यासः |
ॐ हंसो गणेशाय अंगुष्ठाभ्यां नमः |
ॐ हंसी प्रजापतये तर्जनीभ्यां नमः |
ॐ हंसूं महाविष्णवे मध्यमाभ्यां नमः |
ॐ हंसैः शंभवे अनामिकाभ्यां नमः |
ॐ हंसौ जीवात्मने कनिष्ठिकाभ्यां नमः |
ॐ हंसः परमात्मने करतलकरपृष्ठाभ्यां नमः |
एवं हृदयादिषडंगन्यासः |
ॐ हंसः सोऽहं हंसः इति दिग्बंधः ||

ध्यानम् |
बालार्कप्रभमिंद्रनीलजटिलं भस्मांगरागोज्ज्वलं
शांतं नादविलीनचित्तपवनं शार्दूलचर्मांबरम् |
ब्रह्माद्यैः सनकादिभिः परिवृतं सिद्धैर्महायोगिभिः
दत्तात्रेयमुपास्महे हृदि मुदा ध्येयं सदा योगिनाम् ||

ॐ श्रीमान्देवो विरूपाक्षो पुराणपुरुषोत्तमः |
ब्रह्मा परो यतीनाथो दीनबंधुः कृपानिधिः ||

सारस्वतो मुनिर्मुख्यस्तेजस्वी भक्तवत्सलः |
धर्मो धर्ममयो धर्मी धर्मदो धर्मभावनः ||

भाग्यदो भोगदो भोगी भाग्यवान् भानुरंजनः |
भास्करो भयहा भर्ता भावभूर्भवतारणः ||

कृष्णो लक्ष्मीपतिर्देवः पारिजातापहारकः |
सिंहाद्रिनिलयः शंभुर्व्यकटाचलवासकः ||

कोल्लापुरः श्रीजपवान् माहुरार्जितभिक्षुकः |
सेतुतीर्थविशुद्धात्मा रामध्यानपरायणः ||

रामार्चितो रामगुरुः रामात्मा रामदैवतः |
श्रीरामशिष्यो रामज्ञो रामैकाक्षरतत्परः ||

श्रीराममंत्रविख्यातो राममंत्राब्धिपारगः |
रामभक्तो रामसखा रामवान् रामहर्षणः ||

अनसूयात्मजो देवदत्तश्चात्रेयनामकः |
सुरूपः सुमतिः प्राज्ञः श्रीदो वैकुंठवल्लभः ||

विरजस्थानकः श्रेष्ठः सर्वो नारायणः प्रभुः |
कर्मज्ञः कर्मनिरतो नृसिंहो वामनोऽच्युतः ||

कविः काव्यो जगन्नाथो जगन्मूर्तिरनामयः |
मत्स्यः कूर्मो वराहश्च हरिः कृष्णो महास्मयः ||

रामो रामो रघुपतिर्बुद्धः कल्की जनार्दनः |
गोविंदो माधवो विष्णुः श्रीधरो देवनायकः ||

त्रिविक्रमः केशवश्च वासुदेवो महेश्वरः |
संकर्षणः पद्मनाभो दामोदरपरः शुचिः ||

श्रीशैलवनचारी च भार्गवस्थानकोविदः |
अहोबलनिवासी च स्वामी पुष्करणीप्रियः ||

कुंभकोणनिवासी च कांचिवासी रसेश्वरः |
रसानुभोक्ता सिद्धेशः सिद्धिमान् सिद्धवत्सलः ||

सिद्धरूपः सिद्धविधिः सिद्धाचारप्रवर्तकः |
रसाहारो विषाहारो गंधकादि प्रसेवकः ||

योगी योगपरो राजा धृतिमान् मतिमान्सुखी |
बुद्धिमान्नीतिमान् बालो ह्युन्मत्तो ज्ञानसागरः ||

योगिस्तुतो योगिचंद्रो योगिवंद्यो यतीश्वरः |
योगादिमान् योगरूपो योगीशो योगिपूजितः ||

काष्ठयोगी दृढप्रज्ञो लंबिकायोगवान् दृढः |
खेचरश्च खगः पूषा रश्मिवान्भूतभावनः ||

ब्रह्मज्ञः सनकादिभ्यः श्रीपतिः कार्यसिद्धिमान् |
स्पृष्टास्पृष्टविहीनात्मा योगज्ञो योगमूर्तिमान् ||

मोक्षश्रीर्मोक्षदो मोक्षी मोक्षरूपो विशेषवान् |
सुखप्रदः सुखः सौख्यः सुखरूपः सुखात्मकः ||

रात्रिरूपो दिवारूपः संध्याऽऽत्मा कालरूपकः |
कालः कालविवर्णश्च बालः प्रभुरतुल्यकः ||

सहस्रशीर्षा पुरुषो वेदात्मा वेदपारगः |
सहस्रचरणोऽनंतः सहस्राक्षो जितेंद्रियः ||

स्थूलसूक्ष्मो निराकारो निर्मोहो भक्तमोहवान् |
महीयान्परमाणुश्च जितक्रोधो भयापहः ||

योगानंदप्रदाता च योगो योगविशारदः |
नित्यो नित्यात्मवान् योगी नित्यपूर्णो निरामयः ||

दत्तात्रेयो देवदत्तो योगी परमभास्करः |
अवधूतः सर्वनाथः सत्कर्ता पुरुषोत्तमः ||

ज्ञानी लोकविभुः कांतः शीतोष्णसमबुद्धकः |
विद्वेषी जनसंहर्ता धर्मबुद्धिविचक्षणः ||

नित्यतृप्तो विशोकश्च द्विभुजः कामरूपकः |
कल्याणोऽभिजनो धीरो विशिष्टः सुविचक्षणः ||

श्रीमद्भागवतार्थज्ञो रामायणविशेषवान् |
अष्टादशपुराणज्ञो षड्दर्शनविजृंभकः ||

निर्विकल्पः सुरश्रेष्ठो ह्युत्तमो लोकपूजितः |
गुणातीतः पूर्णगुणी ब्रह्मण्यो द्विजसंवृतः ||

दिगंबरो महाज्ञेयो विश्वात्माऽऽत्मपरायणः |
वेदांतश्रवणो वेदी कलावान्निष्कलत्रवान् ||

मितभाष्य मिताभाषी सौम्यो रामो जयः शिवः |
सर्वजित् सर्वतोभद्रो जयकांक्षी सुखावहः ||

प्रत्यर्थिकीर्तिसंहर्ता मंदरार्चितपादुकः |
वैकुंठवासी देवेशो विरजास्नानमानसः ||

श्रीमेरुनिलयो योगी बालार्कसमकांतिमान् |
रक्तांगः श्यामलांगश्च बहुवेषो बहुप्रियः ||

महालक्ष्म्यन्नपूर्णेशः स्वधाकारो यतीश्वरः |
स्वर्णरूपः स्वर्णदायी मूलिकायंत्रकोविदः ||

अनीतमूलिकायंत्रो भक्ताभीष्टप्रदो महान् |
शांताकारो महामायो माहुरस्थो जगन्मयः ||

बद्धासनश्च सूक्ष्मांशी मिताहारो निरुद्यमः |
ध्यानात्मा ध्यानयोगात्मा ध्यानस्थो ध्यानसत्प्रियः ||

सत्यध्यानः सत्यमयः सत्यरूपो निजाकृतिः |
त्रिलोकगुरुरेकात्मा भस्मोद्धूलितविग्रहः ||

प्रियाप्रियसमः पूर्णो लाभालाभसमप्रियः |
सुखदुःखसमो ह्रीमान् हिताहितसमः परः ||

गुरुर्ब्रह्मा च विष्णुश्च महाविष्णुः सनातनः |
सदाशिवो महेंद्रश्च गोविंदो मधुसूदनः ||

कर्ता कारयिता रुद्रः सर्वचारी तु याचकः |
संपत्प्रदो वृष्टिरूपो मेघरूपस्तपःप्रियः ||

तपोमूर्तिस्तपोराशिस्तपस्वी च तपोधनः |
तपोमयस्तपःशुद्धो जनको विश्वसृग्विधिः ||

तपःसिद्धस्तपःसाध्यस्तपःकर्ता तपःक्रतुः |
तपःशमस्तपःकीर्तिस्तपोदारस्तपोऽत्ययः ||

तपोरेतस्तपोज्योतिस्तपात्मा चात्रिनंदनः |
निष्कल्मषो निष्कपटो निर्विघ्नो धर्मभीरुकः ||

वैद्युतस्तारकः कर्मवैदिको ब्राह्मणो यतिः |
नक्षत्रतेजो दीप्तात्मा परिशुद्धो विमत्सरः ||

जटी कृष्णाजिनपदो व्याघ्रचर्मधरो वशी |
जितेंद्रियश्चीरवासी शुक्लवस्त्रांबरो हरिः ||

चंद्रानुजश्चंद्रमुखः शुकयोगी वरप्रदः |
दिव्ययोगी पंचतपो मासर्तुवत्सराननः ||

भूतज्ञो वर्तमानज्ञ ह्येयज्ञो धर्मवत्सलः |
प्रजाहितः सर्वहितो ह्यनिंद्यो लोकवंदितः ||

आकुंचयोगसंबद्धमलमूत्ररसादिकः |
कनकीभूतमलवान् राजयोगविचक्षणः ||

शकटादिविशेषज्ञो लंबिकानीतितत्परः |
प्रपंचरूपी बलवान् एककौपीनवस्त्रकः ||

दिगंबरः सोत्तरीयः सजटः सकमंडलुः |
निर्दंडश्चासिदंडश्च स्त्रीवेषः पुरुषाकृतिः ||

तुलसीकाष्ठमाली च रौद्रः स्फटिकमालिकः |
निर्मालिकः शुद्धतरः स्वेच्छा अमरवान् परः ||

उर्ध्वपुंड्रस्त्रिपुंड्रांको द्वंद्वहीनः सुनिर्मलः |
निर्जटः सजटो हेयो भस्मशायी सुभोगवान् ||

मूत्रस्पर्शो मलस्पर्शोजातिहीनः सुजातिकः |
अभक्ष्यभक्षो निर्भक्षो जगद्वंदितदेहवान् ||

भूषणो दूषणसमः कालाकालो दयानिधिः |
बालप्रियो बालरुचिर्बालवानतिबालकः ||

बालक्रीडो बालरतो बालसंघवृतो बली |
बाललीलाविनोदश्च कर्णाकर्षणकारकः ||

क्रयानीतवणिक्पण्यो गुडसूपादिभक्षकः |
बालवद्गीतसंदृष्टो मुष्टियुद्धकरश्चलः ||

अदृश्यो दृश्यमानश्च द्वंद्वयुद्धप्रवर्तकः |
पलायमानो बालाढ्यो बालहासः सुसंगतः ||

प्रत्यागतः पुनर्गच्छच्चक्रवद्गमनाकुलः |
चोरवद्धृतसर्वस्वो जनताऽऽर्तिकदेहवान् ||

प्रहसन्प्रवदन्दत्तो दिव्यमंगलविग्रहः |
मायाबालश्च मायावी पूर्णलीलो मुनीश्वरः ||

माहुरेशो विशुद्धात्मा यशस्वी कीर्तिमान् युवा |
सविकल्पः सच्चिदाभो गुणवान् सौम्यभावनः ||

पिनाकी शशिमौली च वासुदेवो दिवस्पतिः |
सुशिराः सूर्यतेजश्च श्रीगंभीरोष्ठ उन्नतिः ||

दशपद्मा त्रिशीर्षश्च त्रिभिर्व्याप्तो द्विशुक्लवान् |
त्रिसमश्च त्रितात्मश्च त्रिलोकश्च त्रयंबकः ||

चतुर्द्वंद्वस्त्रियवनस्त्रिकामो हंसवाहनः |
चतुष्कलश्चतुर्दंष्ट्रो गतिः शंभुः प्रियाननः ||

चतुर्मतिर्महादंष्ट्रो वेदांगी चतुराननः |
पंचशुद्धो महायोगी महाद्वादशवानकः ||

चतुर्मुखो नरतनुरजेयश्चाष्टवंशवान् |
चतुर्दशसमद्वंद्वो मुकुरांको दशांशवान् ||

वृषांको वृषभारूढश्चंद्रतेजः सुदर्शनः |
सामप्रियो महेशानश्चिदाकारोः नरोत्तमः ||

दयावान् करुणापूर्णो महेंद्रो माहुरेश्वरः |
वीरासनसमासीनो रामो रामपरायणः ||

इंद्रो वह्निर्यमः कालो निरृतिर्वरुणो यमः |
वायुश्च रुद्रश्चेशानो लोकपालो महायशः ||

यक्षगंधर्वनागाश्च किन्नरः शुद्धरूपकः |
विद्याधरश्चाहिपतिश्चारणः पन्नगेश्वरः ||

चंडिकेशः प्रचंडश्च घंटानादरतः प्रियः |
वीणाध्वनिर्वैनतेयो नारदस्तुंबरुर्हरः ||

वीणाप्रचंडसौंदर्यो राजीवाक्षश्च मन्मथः |
चंद्रो दिवाकरो गोपः केसरी सोमसोदरः ||

सनकः शुकयोगी च नंदी षण्मुखरागकः |
गणेशो विघ्नराजश्च चंद्राभो विजयो जयः ||

अतीतकालचक्रश्च तामसः कालदंडवान् |
विष्णुचक्रः त्रिशूलेंद्रो ब्रह्मदंडो विरुद्धकः ||

ब्रह्मास्त्ररूपो सत्येंद्रः कीर्तिमान्गोपतिर्भवः |
वसिष्ठो वामदेवश्च जाबाली कण्वरूपकः ||

संवर्तरूपो मौद्गल्यो मार्कंडेयश्च काश्यपः |
त्रिजटो गार्ग्यरूपी च विषनाथो महोदयः ||

त्वष्टा निशाकरः कर्मकाश्यपश्च त्रिरूपवान् |
जमदग्निः सर्वरूपः सर्वनादो यतीश्वरः ||

अश्वरूपी वैद्यपतिर्गरकंठोऽंबिकार्चितः |
चिंतामणिः कल्पवृक्षो रत्नाद्रिरुदधिप्रियः ||

महामंडूकरूपी च कालाग्निसमविग्रहः |
आधारशक्तिरूपी च कूर्मः पंचाग्निरूपकः ||

क्षीरार्णवो महारूपो वराहश्च धृतावनिः |
ऐरावतो जनः पद्मो वामनः कुमुदात्मवान् ||

पुंडरीकः पुष्पदंतो मेघच्छन्नोऽभ्रचारकः |
सितोत्पलाभो द्युतिमान् दृढोरस्कः सुरार्चितः ||

पद्मनाभः सुनाभश्च दशशीर्षः शतोदरः |
अवाङ्मुखो पंचवक्त्रो रक्षाख्यात्मा द्विरूपकः ||

स्वर्णमंडलसंचारी वेदिस्थः सर्वपूजितः |
स्वप्रसन्नः प्रसन्नात्मा स्वभक्ताभिमुखो मृदुः ||

आवाहितः सन्निहितो वरदो ज्ञानवस्थितः |
शालिग्रामात्मको ध्यातो रत्नसिंहासनस्थितः ||

अर्घ्यप्रियः पाद्यतुष्टश्चाचम्यार्चितपादुकः |
पंचामृतः स्नानविधिः शुद्धोदकसुसंचितः ||

गंधाक्षतसुसंप्रीतः पुष्पालंकारभूषणः |
अंगपूजाप्रियः सर्वो महाकीर्तिर्महाभुजः ||

नामपूजाविशेषज्ञः सर्वनामस्वरूपकः |
धूपितो दिव्यधूपात्मा दीपितो बहुदीपवान् ||

बहुनैवेद्यसंहृष्टो निराजनविराजितः |
सर्वातिरंजितानंदः सौख्यवान् धवलार्जुनः ||

विरागो निर्विरागश्च यज्ञार्चांगो विभूतिकः |
उन्मत्तो भ्रांतचित्तश्च शुभचित्तः शुभाहुतिः ||

सुरैरिष्टो लघिष्टश्च बहिष्ठो बहुदायकः |
महिष्ठः सुमहौजाश्च बलिष्ठः सुप्रतिष्ठितः ||

काशीगंगांबुमज्जश्च कुलश्रीमंत्रजापकः |
चिकुरान्वितभालश्च सर्वांगलिप्तभूतिकः ||

अनादिनिधनो ज्योतिभार्गवाद्यः सनातनः |
तापत्रयोपशमनो मानवासो महोदयः ||

ज्येष्ठः श्रेष्ठो महारौद्रः कालमूर्तिः सुनिश्चयः |
ऊर्ध्वः समूर्ध्वलिंगश्च हिरण्यो हेमलिंगवान् ||

सुवर्णः स्वर्णलिंगश्च दिव्यमूर्तिर्दिवस्पतिः |
दिव्यलिंगो भवो भव्यः सर्वलिंगस्तु सर्वकः ||

शिवलिंगः शिवो मायो ज्वलस्तूज्ज्वललिंगवान् |
आत्मा चैवात्मलिंगश्च परमो लिंगपारगः ||

सोमः सूर्यः सर्वलिंगः पाणियंत्रपवित्रवान् |
सद्योजातस्तपोरूपो भवोद्भव अनीश्वरः ||

तत्सविद्रूपसविता वरेण्यश्च प्रचोदयात् |
दूरदृष्टिर्दूरगतो दूरश्रवणतर्पितः ||

योगपीठस्थितो विद्वान् नमस्कारितरासभः |
नमस्कृतशुनश्चापि वज्रकष्ट्यातिभीषणः ||

ज्वलन्मुखः प्रतीवाणी सखड्गो द्राविडप्रजः |
पशुघ्नश्च रसोन्मत्तो रसोर्ध्वमुखरंजितः ||

रसप्रियो रसात्मा च रसरूपी रसेश्वरः |
रसाधिदैवतो भौमो रसांगो रसभावनः ||

रसोन्मदो रसकरो रसेंद्रो रसपूजकः |
रससिद्धः सिद्धरसो रसद्रव्यो रसोन्मुखः ||

रसांकितो रसापूर्णो रसदो रसिको रसी |
गंधकादस्तालकादो गौरःस्फटिकसेवनः ||

कार्यसिद्धः कार्यरुचिर्बहुकार्यो न कार्यवान् |
अभेदी जनकर्ता च शंखचक्रगदाधरः ||

कृष्णाजिनकिरीटी च श्रीकृष्णाजिनकंचुकः |
मृगयायी मृगेंद्रश्च गजरूपी गजेश्वरः ||

दृढव्रतः सत्यवादी कृतज्ञो बलवान्बलः |
गुणवान् कार्यवान् दांतः कृतशोभो दुरासदः ||

सुकालो भूतनिहितः समर्थश्चांडनायकः |
संपूर्णदृष्टिरक्षुब्धो जनैकप्रियदर्शनः ||

नियतात्मा पद्मधरो ब्रह्मवांश्चानसूयकः |
उंच्छवृत्तिरनीशश्च राजभोगी सुमालिकः ||

सुकुमारो जराहीनो चारघ्नो मंजुलेक्षणः |
सुपादः स्वंगुलीकश्च सुजंघः शुभजानुकः ||

शुभोरुः शुभलिंगश्च सुनाभो जघनोत्तमः |
सुपार्श्वः सुस्तनो नीलः सुवक्षश्च सुजत्रुकः ||

नीलग्रीवो महास्कंधः सुभुजो दिव्यजंघकः |
सुहस्तरेखो लक्ष्मीवान् दीर्घपृष्ठो यतिश्चलः ||

उन्मीलितोन्मीलितश्च विशालाक्षश्च शुभ्रकः |
शुभमध्यः सुभालश्च सुशिरा नीलरोमकः ||

बिंबोष्ठः शुभ्रदंतश्च विद्युज्जिह्वः सुतालुकः |
दीर्घनासः सुताम्राक्षः सुकपोलः सुकर्णकः ||

विशिष्टग्रामणिस्कंधः शिखिवर्णो विभावसुः |
कैलासेशो विचित्रज्ञो वैकुंठेंद्रो विचित्रवान् ||

मनसेंद्रश्चक्रवालो महेंद्रो मंदारधिपः |
मलयो विंध्यरूपश्च हिमवान् मेरुरूपकः ||

सुवेषो नव्यरूपात्मा मैनाको गंधमादनः |
सिंहाचलश्च वेदाद्रिः श्रीशैलः क्रकचात्मकः ||

नानाचलश्चित्रकूटो दुर्वासो पर्वतात्मजः |
यमुनाकृष्णवेणीशो भद्रेशो गौतमीपतिः ||

गोदावरीशो गंगात्मा शोणकः कौशिकीपतिः |
नर्मदेशस्तु कावेरीताम्रपर्णीश्वरो जटी ||

सरिद्रूपा नदात्मा च समुद्रः सरिदीश्वरः |
ह्रादिनीशः पावनीशो नलिनीशः सुचक्षुमान् ||

सीतानदीपतिः सिंधूरेवेशी मुरळीपतिः |
लवणेक्षुः क्षीरनिधिः सुराब्धिः सर्पिरंबुधिः ||

दयाब्धिशुद्धजलधिस्तत्वरूपी धनाधिपः |
भूपालमधुरागज्ञो मालनीरागकोविदः ||

पौंड्रक्रियाज्ञः श्रीरागो नानारागार्णवांतकः |
वेदादिरूपो ह्रींरूपो ह्रूंरूपः क्लींविकारकः ||

ग्लूंमयः क्लींमयः प्रख्यो हूंमयः क्रौंमयो भटः |
धींमयो लुङ्मयो लांगो घंमयः खंमयः खगः ||

खंमयो ञंमयश्चांगो बीजांगो बीजजंमयः |
झंकरष्टंकरःष्टंगो डंकरो ढंकरोऽणुकः ||

तंकरस्थंकरस्तुंगो द्रांमुद्रारूपकः सुदः |
दक्षो दंडी दानवघ्नो अप्रतिद्वंद्ववामदः ||

धंरूपो नंस्वरूपश्च पंकजाक्षश्च फंमयः |
महेंद्रो मधुभोक्ता च मंदरेतास्तु भंमयः ||

रंमयो रिंकरो रंगो लंकरः वंमयः शरः |
शंकरः षण्मुखो हंसः शंकरः शंकरोऽक्षयः ||

ओमित्येकाक्षरात्मा च सर्वबीजस्वरूपकः |
श्रीकरः श्रीपदः श्रीशः श्रीनिधिः श्रीनिकेतनः ||

पुरुषोत्तमः सुखी योगी दत्तात्रेयो हृदिप्रियः |
तत्संयुतः सदायोगी धीरतंत्रः सुसाधकः ||

पुरुषोत्तमो यतिश्रेष्ठो दत्तात्रेयः सखीत्ववान् |
वसिष्ठवामदेवाभ्यां दत्तः पुरुषः ईरितः ||

यावत्तिष्ठते ह्यस्मिन् तावत्तिष्ठति तत्सुखः |
य इदं शृणुयान्नित्यं ब्रह्मसायुज्यतां व्रजेत् ||

भुक्तिमुक्तिकरं तस्य नात्रकार्या विचारणा |
आयुष्मत्पुत्रपौत्रांश्च दत्तात्रेयः प्रदर्शयेत् ||

धन्यं यशस्यमायुष्यं पुत्रभाग्यविवर्धनम् |
करोति लेखनादेव परार्थं वा न संशयः ||

यः करोत्युपदेशं च नामदत्तसहस्रकम् |
स च याति च सायुज्यं श्रीमान् श्रीमान् न संशयः ||

पठनाच्छ्रवणाद्वापि सर्वान्कामानवाप्नुयात् |
खेचरत्वं कार्यसिद्धिं योगसिद्धिमवाप्नुयात् ||

ब्रह्मराक्षसवेतालैः पिशाचैः कामिनीमुखैः |
पीडाकरैः सुखकरैर्ग्रहैर्दुष्टैर्न बाध्यते ||

देवैः पिशाचैर्मुच्येत सकृदुच्चारणेन तु |
यस्मिन् देशे स्थितं चैतत्पुस्तकं दत्तनामकम् ||

पंचयोजनविस्तारं रक्षणं नात्र संशयः |
सर्वबीजसमायुक्तं स्तोत्रं नामसहस्रकम् ||

सर्वमंत्रस्वरूपं च दत्तात्रेयस्वरूपकम् |
एकवारं पठित्वा तु ताम्रपात्रे जलं स्पृशेत् ||

पीत्वा चेत्सर्वरोगैश्च मुच्यते नात्र संशयः |
स्त्रीवश्यं पुरुषवश्यं राजवश्यं जयावहम् ||

संपत्प्रदं मोक्षकरं पठेन्नित्यमतंद्रितः |
लीयंतेऽस्मिन्प्रपंचार्थान् वैरिशोकादिकारितः ||

पठनात्तु प्रसन्नोऽहं शंकराचार्य बुद्धिमान् |
भविष्यति न संदेहः पठितः प्रातरेव माम् ||

उपदेक्ष्ये सर्वयोगान् लंबिकादिबहून्वरान् |
दत्तात्रेयस्तु चेत्युक्त्वा स्वप्ने चांतरधीयत ||

स्वप्नादुत्थाय चाचार्यः विस्मयं परमं गतः |
स्वप्नोपदिष्टं तं स्तोत्रं दत्तात्रेयेन योगिना ||

सहस्रनामकं दिव्यं पठित्वा योगवान्भवेत् |
ज्ञानयोगयतित्वं च पराकायप्रवेशनम् ||

बहुविद्याखेचरत्वं दीर्घायुस्तत्प्रसादतः |
तदारभ्य भुवि श्रेष्ठः प्रसिद्धश्चाभवद्यती ||

इति श्रीशंकराचार्यस्वप्नावस्थायां दत्तात्रेयोपदेशितं सकलपुराणवेदोक्त प्रपंचार्थसारवत् स्तोत्रं संपूर्णम् |
मरिन्नि
श्री दत्तात्रेय स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु