Sri Bala Tripurasundari Sahasranama Stotram 1

तॆलुगु
स्तोत्रनिधि
श्री बाला स्तोत्रालु
गमनिक
: ई स्तोत्रमु
(श्लोकालु मात्रमे)
श्री बाला स्तोत्रनिधि
” पारायण ग्रंथमुलो कूडा उन्नदि.
श्रीदेव्युवाच |
भगवन् भाषिताशेषसिद्धांत करुणानिधे |
बालात्रिपुरसुंदर्याः मंत्रनामसहस्रकम् ||

श्रुत्वा धारयितुं देव ममेच्छावर्ततेऽधुना |
कृपया केवलं नाथ तन्ममाख्यातुमर्हसि ||

ईश्वर उवाच |
मंत्रनामसहस्रं ते कथयामि वरानने |
गोपनीयं प्रयत्नेन शृणु तत्त्वं महेश्वरि ||

अस्य श्रीबालात्रिपुरसुंदरी दिव्यसहस्रनाम स्तोत्रमहामंत्रस्य ईश्वर ऋषिः, अनुष्टुप्छंदः, श्रीबालात्रिपुरसुंदरी देवता, ऐं बीजं, सौः शक्तिः, क्लीं कीलकं, मम श्रीबालात्रिपुरसुंदरी प्रसादसिद्ध्यर्थे सहस्रनामस्तोत्र पारायणे विनियोगः ||

ऐं अंगुष्ठाभ्यां नमः |
क्लीं तर्जनीभ्यां नमः |
सौः मध्यमाभ्यां नमः |
ऐं अनामिकाभ्यां नमः |
क्लीं कनिष्ठिकाभ्यां नमः |
सौः करतलकरपृष्ठाभ्यां नमः |
हृदयादिन्यासः –
ऐं हृदयाय नमः |
क्लीं शिरसे स्वाहा |
सौः शिखायै वषट् |
ऐं कवचाय हुम् |
क्लीं नेत्रत्रयाय वौषट् |
सौः अस्त्राय फट् |
ध्यानम् |
ऐंकारासनगर्भितानलशिखां सौः क्लीं कलां बिभ्रतीं
सौवर्णांबरधारिणीं वरसुधाधौतांतरंगोज्ज्वलाम् |
वंदे पुस्तकपाशसांकुशजपस्रग्भासुरोद्यत्करां
तां बालां त्रिपुरां भजे त्रिनयनां षट्चक्रसंचारिणीम् ||

लमित्यादि पंचपूजां कुर्यात् ||

ॐ सुभगा सुंदरी सौम्या सुषुम्णा सुखदायिनी |
मनोज्ञा सुमना रम्या शोभना ललिता शिवा ||

कांता कांतिमती कांतिः कामदा कमलालया |
कल्याणी कमला हृद्या पेशला हृदयंगमा ||

सुभद्राख्यातिरमणी सर्वा साध्वी सुमंगळा |
रामा भव्यवती भव्या कमनीयाऽतिकोमला ||

शोभाभिरामा रमणी रमणीया रतिप्रिया |
मनोन्मनी महामाया मातंगी मदिराप्रिया ||

महालक्ष्मीर्महाशक्तिर्महाविद्यास्वरूपिणी |
महेश्वरी महानंदा महानंदविधायिनी ||

मानिनी माधवी माध्वी मदरूपा मदोत्कटा |
आनंदकंदा विजया विश्वेशी विश्वरूपिणी ||

सुप्रभा कौमुदी शांता बिंदुनादस्वरूपिणी |
कामेश्वरी कामकळा कामिनी कामवर्धिनी ||

भेरुंडा चंडिका चंडी चामुंडा मुंडमालिनी |
अणुरूपा महारूपा भूतेशी भुवनेश्वरी ||

चित्रा विचित्रा चित्रांगी हेमगर्भस्वरूपिणी |
चैतन्यरूपिणी नित्या नित्यानित्यस्वरूपिणी ||

ह्रींकारकुंडली धात्री विधात्री भूतसंप्लवा |
उन्मादिनी महामारी सुप्रसन्ना सुरार्चिता ||

परमानंदनिष्यंदा परमार्थस्वरूपिणी |
योगीश्वरी योगमाता हंसिनी कलहंसिनी ||

कळा कळावती रक्ता सुषुम्नावर्त्मशालिनी |
विंध्याद्रिनिलया सूक्ष्मा हेमपद्मनिवासिनी ||

बाला सुरूपिणी माया वरेण्या वरदायिनी |
विद्रुमाभा विशालाक्षी विशिष्टा विश्वनायिका ||

वीरेंद्रवंद्या विश्वात्मा विश्वा विश्वादिवर्धिनी |
विश्वोत्पत्तिर्विश्वमाया विश्वाराध्या विकस्वरा ||

मदस्विन्ना मदोद्भिन्ना मानिनी मानवर्धिनी |
मालिनी मोदिनी मान्या मदहस्ता मदालया ||

मदनिष्यंदिनी माता मदिराक्षी मदालसा |
मदात्मिका मदावासा मधुबिंदुकृताधरा ||

मूलभूता महामूला मूलाधारस्वरूपिणी |
सिंदूररक्ता रक्ताक्षी त्रिनेत्रा त्रिगुणात्मिका ||

वशिनी वाशिनी वाणी वारुणी वारुणीप्रिया |
अरुणा तरुणार्काभा भामिनी वह्निवासिनी ||

सिद्धा सिद्धेश्वरी सिद्धिः सिद्धांबा सिद्धमातृका |
सिद्धार्थदायिनी विद्या सिद्धाढ्या सिद्धसम्मता ||

वाग्भवा वाक्प्रदा वंद्या वाङ्मयी वादिनी परा |
त्वरिता सत्वरा तुर्या त्वरयित्री त्वरात्मिका ||

कमला कमलावासा सकला सर्वमंगळा |
भगोदरी भगक्लिन्ना भगिनी भगमालिनी ||

भगप्रदा भगानंदा भगेशी भगनायिका |
भगात्मिका भगावासा भगा भगनिपातिनी ||

भगावहा भगाराध्या भगाढ्या भगवाहिनी |
भगनिष्यंदिनी भर्गा भगाभा भगगर्भिणी ||

भगादिर्भगभोगादिः भगवेद्या भगोद्भवा |
भगमाता भगकृता भगगुह्या भगेश्वरी ||

भगदेहा भगावासा भगोद्भेदा भगालसा |
भगविद्या भगक्लिन्ना भगलिंगा भगद्रवा ||

सकला निष्कला काळी कराळी कलभाषिणी |
कमला हंसिनी काला करुणा करुणावती ||

भास्वरा भैरवी भासा भद्रकाळी कुलांगना |
रसात्मिका रसावासा रसस्यंदा रसावहा ||

कामनिष्यंदिनी काम्या कामिनी कामदायिनी |
विद्या विधात्री विविधा विश्वदा त्रिविधा विधा ||

सर्वांगा सुंदरी सौम्या लावण्या सरिदंबुधिः |
चतुरांगी चतुर्बाहुश्चतुरा चारुहासिनी ||

मंत्रा मंत्रमयी माता मणिपूरसमाश्रया |
मंत्रात्मिका मंत्रमाता मंत्रगम्या सुमंत्रका ||

पुष्पबाणा पुष्पजैत्री पुष्पिणी पुष्पवर्धिनी |
वज्रेश्वरी वज्रहस्ता पुराणी पुरवासिनी ||

तारा च तरुणाकारा तरुणी ताररूपिणी |
इक्षुचापा महापाशा शुभदा प्रियवादिनी ||

सर्वगा सर्वजननी सर्वार्था सर्वपावनी |
आत्मविद्या महाविद्या ब्रह्मविद्या विवस्वती ||

शिवेश्वरी शिवाराध्या शिवनाथा शिवात्मिका |
आत्मिका ज्ञाननिलया निर्भेदा निर्वृतिप्रदा ||

निर्वाणरूपिणी पूर्णा नियमा निष्कळा प्रभा |
श्रीफला श्रीप्रदा शिष्या श्रीमयी शिवरूपिणी ||

क्रूरा कुंडलिनी कुब्जा कुटिला कुटिलालका |
महोदया महारूपा मही माही कळामयी ||

वशिनी सर्वजननी चित्रवासा विचित्रिका |
सूर्यमंडलमध्यस्था स्थिरा शंकरवल्लभा ||

सुरभिः सुमहः सूर्या सुषुम्णा सोमभूषणा |
सुधाप्रदा सुधाधारा सुश्रीः संपत्तिरूपिणी ||

अमृता सत्यसंकल्पा सत्या षड्ग्रंथिभेदिनी |
इच्छाशक्तिर्महाशक्तिः क्रियाशक्तिः प्रियंकरी ||

लीला लीलालयाऽऽनंदा सूक्ष्मबोधस्वरूपिणी |
सकला रसना सारा सारगम्या सरस्वती ||

परा परायणी पद्मा परनिष्ठा परापरा |
श्रीमती श्रीकरी व्योम्नी शिवयोनिः शिवेक्षणा ||

निरानंदा निराख्येया निर्द्वंद्वा निर्गुणात्मिका |
बृहती ब्राह्मणी ब्राह्मी ब्रह्माणी ब्रह्मरूपिणी ||

धृतिः स्मृतिः श्रुतिर्मेधा श्रद्धा पुष्टिः स्तुतिर्मतिः |
अद्वयाऽऽनंदसंबोधा वरा सौभाग्यरूपिणी ||

निरामया निराकारा जृंभिणी स्तंभिनी रतिः |
बोधिका कमला रौद्री द्राविणी क्षोभिणी मतिः ||

कुचेली कुचमध्यस्था मध्यकूट गति प्रिया |
कुलोत्तीर्णा कुलवती बोधा वाग्वादिनी सती ||

उमा प्रियव्रता लक्ष्मीर्वकुळा कुलरूपिणी |
विश्वात्मिका विश्वयोनिः विश्वासक्ता विनायका ||

ध्यायिनी नादिनी तीर्था शांकरी मंत्रसाक्षिणी |
सन्मंत्ररूपिणी हृष्टा शांकरी सुरशंकरी ||

सुंदरांगी सुरावासा सुरवंद्या सुरेश्वरी |
सुवर्णा वर्णसत्कीर्तिः सवर्णा वर्णरूपिणी ||

ललितांगी वरिष्ठा श्रीरस्पंदा स्पंदरूपिणी |
शांभवी सच्चिदानंदा सच्चिदानंदरूपिणी ||

जयिनी विश्वजननी विश्वनिष्ठा विलासिनी |
भ्रूमध्याऽखिलनिष्ठाद्या निर्गुणा गुणवर्धिनी ||

हृल्लेखा भुवनेशानी भवना भवनात्मिका |
विभूतिर्भुतिदा भूतिः संभूतिर्भूतिकारिणी ||

ईशानी शाश्वती शैवी शर्वाणी शर्मदायिनी |
भवानी भावगा भावा भावना भावनात्मिका ||

हृत्पद्मनिलया शूरा स्वरावृत्तिः स्वरात्मिका |
सूक्ष्मरूपा परानंदा स्वात्मस्था विश्वदा शिवा ||

परिपूर्णा दयापूर्णा मदघूर्णितलोचना |
शरण्या तरुणार्काभा मदा रक्ता मनस्विनी ||

अनंताऽनंतमहिमा नित्यतृप्ता निरंजना |
अचिंत्या शक्तिश्चिंत्यार्था चिंत्याऽचिंत्यस्वरूपिणी ||

जगन्मयी जगन्माता जगत्सारा जगद्भवा |
आप्यायिनी परानंदा कूटस्थाऽऽवासरूपिणी ||

ज्ञानगम्या ज्ञानमूर्तिः ज्ञापिनी ज्ञानरूपिणी |
खेचरी खेचरीमुद्रा खेचरीयोगरूपिणी ||

अनाथनाथा निर्नाथा घोराऽघोरस्वरूपिणी |
सुधाप्रदा सुधाधारा सुधारूपा सुधामयी ||

दहरा दहराकाशा दहराकाशमध्यगा |
मांगळ्या मंगळकरी महामांगळ्यदेवता ||

मांगळ्यदायिनी मान्या सर्वमंगळदायिनी |
स्वप्रकाशा महाभूषा भामिनी भवरूपिणी ||

कात्यायनी कळावासा पूर्णा कामा यशस्विनी |
अर्थाऽवसाननिलया नारायणमनोहरा ||

मोक्षमार्गविधानज्ञा विरिंचोत्पत्तिभूमिका |
अनुत्तरा महाराध्या दुष्प्रापा दुरतिक्रमा ||

शुद्धिदा कामदा सौम्या ज्ञानदा मानदायिनी |
स्वधा स्वाहा सुधा मेधा मधुरा मधुमंदिरा ||

निर्वाणदायिनी श्रेष्ठा शर्मिष्ठा शारदार्चिता |
सुवर्चला सुराराध्या शुद्धसत्त्वा सुरार्चिता ||

स्तुतिः स्तुतिमयी स्तुत्या स्तुतिरूपा स्तुतिप्रिया |
कामेश्वरी कामवती कामिनी कामरूपिणी ||

आकाशगर्भा ह्रींकारी कंकाळी कालरूपिणी |
विष्णुपत्नी विशुद्धार्था विश्वरूपेशवंदिता ||

विश्ववेद्या महावीरा विश्वघ्नी विश्वरूपिणी |
सुशीलाढ्या शैलवती शैलस्था शैलरूपिणी ||

रुद्राणी चंडखट्वांगी डाकिनी साकिनी प्रभा |
नित्या निर्वेदखट्वांगी जननी जनरूपिणी ||

तलोदरी जगत्सूत्री जगती ज्वलिनी ज्वली |
साकिनी सारसंहृद्या सर्वोत्तीर्णा सदाशिवा ||

स्फुरंती स्फुरिताकारा स्फूर्तिः स्फुरणरूपिणी |
शिवदूती शिवा शिष्टा शिवज्ञा शिवरूपिणी ||

रागिणी रंजनी रम्या रजनी रजनीकरा |
विश्वंभरा विनीतेष्टा विधात्री विधिवल्लभा ||

विद्योतिनी विचित्रार्था विश्वाद्या विविधाभिधा |
विश्वाक्षरा सरसिका विश्वस्थाऽतिविचक्षणा ||

ब्रह्मयोनिर्महायोनिः कर्मयोनिस्त्रयीतनुः |
हाकिनी हारिणी सौम्या रोहिणी रोगनाशनी ||

श्रीप्रदा श्रीर्श्रीधरा च श्रीकरा श्रीमतिः श्रिया |
श्रीमाता श्रीकरी श्रेयः श्रेयसी च सुरेश्वरी ||

कामेश्वरी कामवती कामगिर्यालयस्थिता |
रुद्रात्मिका रुद्रमाता रुद्रगम्या रजस्वला ||

अकारषोडशांतःस्था भैरवाऽऽह्लादिनी परा |
कृपादेहाऽरुणा नाथा सुधाबिंदुसमाश्रिता ||

काळी कामकळा कन्या पार्वती पररूपिणी |
मायावती घोरमुखी वादिनी दीपिनी शिवा ||

मकारा मातृचक्रेशी महासेना विमोहिनी |
उत्सुकाऽनुत्सुका हृष्टा ह्रींकारी चक्रनायिका ||

रुद्रा भवानी चामुंडी ह्रींकारी सौख्यदायिनी |
गरुडा गारुडी ज्येष्ठा सकला ब्रह्मचारिणी ||

कृष्णांगा वाहिनी कृष्णा खेचरी कमलाप्रिया |
भद्रिणी रुद्रचामुंडा ह्रींकारी सौभगा ध्रुवा ||

गरुडी गारुडी ज्येष्ठा स्वर्गदा ब्रह्मवादिनी |
पानानुरक्ता पानस्था भीमरूपा भयापहा ||

रक्ता चंडा सुरानंदा त्रिकोणा पानदर्पिता |
महोत्सुका क्रतुप्रीता कंकाळी कालदर्पिता ||

सर्ववर्णा सुवर्णाभा परामृतमहार्णवा |
योग्यार्णवा नागबुद्धिर्वीरपाना नवात्मिका ||

द्वादशांतसरोजस्था निर्वाणसुखदायिनी |
आदिसत्त्वा ध्यानसत्त्वा श्रीकंठस्वांतमोहिनी ||

परा घोरा कराळाक्षी स्वमूर्तिर्मेरुनायिका |
आकाशलिंगसंभूता परामृतरसात्मिका ||

शांकरी शाश्वती रुद्रा कपाला कुलदीपिका |
विद्यातनुर्मंत्रतनुश्चंडा मुंडा सुदर्पिता ||

वागीश्वरी योगमुद्रा त्रिखंडा सिद्धमंडिता |
शृंगारपीठनिलया काळी मातंगकन्यका ||

संवर्तमंडलांतःस्था भुवनोद्यानवासिनी |
पादुकाक्रमसंतृप्ता भैरवस्थाऽपराजिता ||

निर्वाणा सौरभा दुर्गा महिषासुरमर्दिनी |
भ्रमरांबा शिखरिका ब्रह्मविष्ण्वीशतर्पिता ||

उन्मत्तहेला रसिका योगिनी योगदर्पिता |
संतानानंदिनी बीजचक्रा परमकारुणी ||

खेचरी नायिका योग्या परिवृत्ताऽतिमोहिनी |
शाकंभरी संभवित्री स्कंदाऽऽनंदी मदार्पिता ||

क्षेमंकरी सुमा श्वासा स्वर्गदा बिंदुकारिणी |
चर्चिता चर्चितपदा चारुखट्वांगधारिणी ||

अघोरा मंत्रितपदा भामिनी भवरूपिणी |
उषा संकर्षिणी धात्री चोमा कात्यायनी शिवा ||

सुलभा दुर्लभा शास्त्री महाशास्त्री शिखंडिनी |
योगलक्ष्मीर्भोगलक्ष्मीः राज्यलक्ष्मीः कपालिनी ||

देवयोनिर्भगवती धन्विनी नादिनीश्वरी |
क्षेत्रात्मिका महाधात्री बलिनी केतुमालिनी ||

सदानंदा सदाभद्रा फल्गुनी रक्तवर्षिणी |
मंदारमंदिरा तीव्रा ग्राहिणी सर्वभक्षिणी ||

अग्निजिह्वा महाजिह्वा शूलिनी शुद्धिदा परा |
सुवर्णिका कालदूती देवी कालस्वरूपिणी ||

कुंभिनी शयनी गुर्वी वाराही हुं‍फडात्मिका |
उग्रात्मिका पद्मवती धूर्जटी चक्रधारिणी ||

देवी तत्पुरुषा शिक्षा माध्वी स्त्रीरूपधारिणी |
दक्षा दाक्षायणी दीक्षा मदना मदनातुरा ||

धिष्ण्या हिरण्या सरणिः धरित्री धररूपिणी |
वसुधा वसुधाछाया वसुधामा सुधामयी ||

शृंगिणी भीषणा सांद्री प्रेतस्थाना मतंगिनी |
खंडिनी योगिनी तुष्टिः नादिनी भेदिनी नटी ||

खट्वांगिनी काळरात्रिः मेघमाला धरात्मिका |
भापीठस्था भवद्रूपा महाश्रीर्धूम्रलोचना ||

सुखदा गंधिनी बंधुर्बंधिनी बंधमोचिनी |
सावित्री सत्कृतिः कर्त्री क्षमा माया महोदया ||

गणेश्वरी गणाकारा सद्गुणा गणपूजिता |
निर्मला गिरिजा शब्दा शर्वाणी शर्मदायिनी ||

एकाकिनी सिंधुकन्या काव्यसूत्रस्वरूपिणी |
अव्यक्तरूपिणी व्यक्ता योगिनी पीठरूपिणी ||

निर्मदा धामदाऽऽदित्या नित्या सेव्याऽक्षरात्मिका |
तपिनी तापिनी दीक्षा शोधिनी शिवदायिनी ||

स्वस्ति स्वस्तिमती बाला कपिला विस्फुलिंगिनी |
अर्चिष्मती द्युतिमती कौळिनी कव्यवाहिनी ||

जनाश्रिता विष्णुविद्या मानसी विंध्यवासिनी |
विद्याधरी लोकधात्री सर्वा सारस्वरूपिणी ||

पापघ्नी सर्वतोभद्रा त्रिस्था शक्तित्रयात्मिका |
त्रिकोणनिलया त्रिस्था त्रयीमाता त्रयीतनुः ||

त्रयीविद्या त्रयीसारा त्रयीरूपा त्रिपुष्करा |
त्रिवर्णा त्रिपुरा त्रिश्रीः त्रिमूर्तिस्त्रिदशेश्वरी ||

त्रिकोणसंस्था त्रिविधा त्रिस्वरा त्रिपुरांबिका |
त्रिदिवा त्रिदिवेशानी त्रिस्था त्रिपुरदाहिनी ||

जंघिनी स्फोटिनी स्फूर्तिः स्तंभिनी शोषिणी प्लुता |
ऐंकाराख्या वामदेवी खंडिनी चंडदंडिनी ||

क्लींकारी वत्सला हृष्टा सौःकारी मदहंसिका |
वज्रिणी द्राविणी जैत्री श्रीमती गोमती ध्रुवा ||

परतेजोमयी संवित्पूर्णपीठनिवासिनी |
त्रिधात्मा त्रिदशा त्र्यक्षा त्रिघ्नी त्रिपुरमालिनी ||

त्रिपुराश्रीस्त्रिजननी त्रिभूस्त्रैलोक्यसुंदरी |
कुमारी कुंडली धात्री बाला भक्तेष्टदायिनी ||

कलावती भगवती भक्तिदा भवनाशिनी |
सौगंधिनी सरिद्वेणी पद्मरागकिरीटिनी ||

तत्त्वत्रयी तत्त्वमयी मंत्रिणी मंत्ररूपिणी |
सिद्धा श्रीत्रिपुरावासा बालात्रिपुरसुंदरी ||

बालात्रिपुरसुंदर्या मंत्रनामसहस्रकम् |
कथितं देवदेवेशि सर्वमंगळदायकम् ||

सर्वरक्षाकरं देवि सर्वसौभाग्यदायकम् |
सर्वाश्रयकरं देवि सर्वानंदकरं वरम् ||

सर्वपापक्षयकरं सदा विजयवर्धनम् |
सर्वदा श्रीकरं देवि सर्वयोगीश्वरीमयम् ||

सर्वपीठमयं देवि सर्वानंदकरं परम् |
सर्वदौर्भाग्यशमनं सर्वदुःखनिवारणम् ||

सर्वाभिचारदोषघ्नं परमंत्रविनाशनम् |
परसैन्यस्तंभकरं शत्रुस्तंभनकारणम् ||

महाचमत्कारकरं महाबुद्धिप्रवर्धनम् |
महोत्पातप्रशमनं महाज्वरनिवारणम् ||

महावश्यकरं देवि महासुखफलप्रदम् |
एवमेतस्य मंत्रस्य प्रभावो वर्णितुं मया ||

न शक्यते वरारोहे कल्पकोटि शतैरपि |
यः पठेत्संगमे नित्यं सर्वदा मंत्रसिद्धिदम् ||

इति श्रीविष्णुयामले श्री बालात्रिपुरसुंदरी सहस्रनाम स्तोत्रम् |
गमनिक
: पैन इव्वबडिन स्तोत्रमु
(श्लोकालु मात्रमे)
, ई पुस्तकमुलो कूडा उन्नदि.
श्री बाला स्तोत्रनिधि
(नित्य पारायण ग्रंथमु)
मरिन्नि
श्री बाला स्तोत्रालु
चूडंडि. मरिन्नि
देवी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु