Sri Bala Tripurasundari Raksha Stotram

तॆलुगु
स्तोत्रनिधि
श्री बाला स्तोत्रालु
सर्वलोकैकजननी सर्वाभीष्टफलप्रदे |
रक्ष मां क्षुद्रजालेभ्यः पातकेभ्यश्च सर्वदा ||

जगद्धिते जगन्नेत्रि जगन्मातर्जगन्मये |
जगद्दुरितजालेभ्यो रक्ष मामहितं हर ||

वाङ्मनः कायकरणैर्जन्मांतरशतार्जितम् |
पापं नाशय देवेशि पाहि मां कृपयाऽनिशम् ||

जन्मांतरसहस्रेषु यत्कृतं दुष्कृतं मया |
तन्निवारय मां पाहि शरण्ये भक्तवत्सले ||

मया कृतान्यशेषाणि मदीयैश्च कृतानि च |
पापानि नाशयस्वाद्य पाहि मां परदेवते ||

ज्ञानाज्ञानकृतैः पापैः सांप्राप्तं दुरितं क्षणात् |
निवारय जगन्मातरखिलैरनिवारितम् ||

असत्कार्य निवृत्तिं च सत्कार्यस्य प्रवर्तनम् |
देवतात्मानुसंधानं देहि मे परमेश्वरि ||

सर्वावरणविद्यानां संधानेनानुचिंतनम् |
देशिकांघ्रिस्मृतिं चैव देहि मे जगदीश्वरि ||

अनुस्यूतपरब्रह्मानंदामृतनिषेवणम् |
अत्यंतनिश्चलं चित्तं देहि मे परमेश्वरि ||

सदाशिवाद्यैर्धात्र्यंतैः देवताभिर्मुनीश्वरैः |
उपासितं पदं यत्तद्देहि मे परमेश्वरि ||

इंद्रादिभिरशेषैश्च देवैरसुरराक्षसैः |
कृतं विघ्नं निवार्याशु कृपया रक्ष रक्ष माम् ||

आत्मानमात्मनः स्निग्धमाश्रितं परिचारकम् |
द्रव्यदं बंधुवर्गं च देवेशि परिरक्ष नः ||

उपासकस्य यो यो मे यथाशक्त्यनुकूलकृत् |
सुहृदं रक्ष तं नित्यं द्विषंतमनुकूलय ||

दैहिकादैहिकान्नानाहेतुकात्केवलाद्भयात् |
पाहि मां प्रणतापत्तिभंजने विश्वलोचने ||

नित्यानंदमयं सौख्यं निर्मलं निरूपाधिकम् |
देहि मे निश्चलां भक्तिं निखिलाभिष्टसिद्धिदे ||

यन्मया सकलोपायैः करणीयमितः परम् |
तत्सर्वं बोधयस्वांब सर्वलोकहिते रते ||

प्रदेहि बुद्धियोगं तं येन त्वामुपयाम्यहम् |
कामानां हृद्यसंरोहं देहि मे कृपयेश्वरि ||

भवाब्धौ पतितं भीतमनाथं दीनमानसम् |
उद्धृत्य कृपया देवि निधेहि चरणांबुजे ||

इति श्री बाला रक्षा स्तोत्रम् |
मरिन्नि
श्री बाला स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु