Sri Annapurna Mantra Stava

तॆलुगु
स्तोत्रनिधि
देवी स्तोत्रालु
श्री दक्षिणामूर्तिरुवाच |
अन्नपूर्णामनुं वक्ष्ये विद्याप्रत्यंगमीश्वरी |
यस्य श्रवणमात्रेण अलक्ष्मीर्नाशमाप्नुयात् ||

प्रणवं पूर्वमुच्चार्य मायां श्रियमथोच्चरेत् |
कामं नमः पदं प्रोक्तं पदं भगवतीत्यथ ||

माहेश्वरी पदं पश्चादन्नपूर्णेत्यथोच्चरेत् |
उत्तरे वह्निदयितां मंत्र एष उदीरितः ||

ऋषिः ब्रह्मास्य मंत्रस्य गायत्री छंद ईरितम् |
अन्नपूर्णेश्वरीदेवी देवता प्रोच्यते बुधैः ||

मायाबीजं बीजमाहुः लक्ष्मीशक्तिरितीरिता |
कीलकं मदनं प्राहुर्मायया न्यासमाचरेत् ||

ह्यष्टां भजे भगवतीं भवदुःखहन्त्रीम् |
आदाय दक्षिणकरेण सुवर्णदर्पं
दुग्धान्नपूर्णमितरेण च रत्नपात्रम् ||

एवं ध्यात्वा महादेवीं लक्षमेकं जपेन्मनुम् |
दशांशमन्नं जुहुयान्मंत्रसिद्धिर्भविष्यति ||

एवं सिद्धस्य मंत्रस्य प्रयोगाच्छृणु पार्वति |
लक्षमेकं जपेन्मंत्रं सहस्रैकं हविर्हुनेत् ||

महतीं श्रियमाप्नोति कुबेरत्रयसन्निभाम् |
जप्त्वैकलक्षं मंत्रज्ञो हुनेदन्नं दशांशकम् ||

तत्कुलेन्नसमृद्धिस्स्यादक्षय्यं नात्र संशयः |
अन्नं स्पृष्ट्वा जपेन्मंत्रं नित्यं वारचतुष्टयम् ||

अन्नराशिमवाप्नोति स्वमलव्यापिनीमपि |
सहस्रं प्रजपेद्यस्तु मंत्रमेतं नरोत्तमः ||

इह भोगान्यथाकामान्भुक्त्वान्ते मुक्तिमाप्नुयात् |
कुले न जायते तस्य दारिद्र्यं कलहावळिः ||

न कदाचिदवाप्नोति दारिद्र्यं परमेश्वरि |
पलाशपुष्पैर्हवनमयुतं यस्समाचरेत् ||

स लब्ध्वा महतीं कान्तिं वशीकुर्याज्जगत्रयम् |
पयसा हवनं मर्त्यो य आचरति काळिकः ||

तद्गेहे पशुवृद्धिस्स्याद्गावश्च बहुदुग्धदाः |
एवं मंत्रं जपेन्मर्त्यो न कदाचिल्लभेद्भयम् ||

असौख्यमश्रियं दुःखं संशयो नात्र विद्यते |
हविष्येण हुनेद्यस्तु नियुतं मानवोत्तमः ||

सर्वान्कामानवाप्नोति दुर्लभानप्यसंशयः |
अन्नपूर्णाप्रयोगोयमुक्तो भक्तेष्टदायकः |
किमन्यदिच्छसि श्रोतुं भूयो मे वद पार्वति ||

इति श्रीमहात्रिपुरसिद्धान्ते अन्नपूर्णा मंत्रस्तवः |
मरिन्नि
देवी स्तोत्रालु
चूडंडि.
मा प्रचुरण:
श्री बगळामुखी स्तोत्रनिधि (तात्पर्य सहितं)
प्रिंटिंगु पूर्ति अयि कॊनुगोलुकु सिद्धंगा उंदि.
स्तोत्रनिधि (तॆलुगु) वाट्साप् छानल् :
मा तॆलुगु वाट्साप् छानल् नि फालो चेयडानिकि
इक्कड क्लिक् चेयंडि
"तॆलुगु"
विप्रुलकु, द्विजुलकु विज्ञप्ति :
मंत्र अनुष्ठानं लेक नेटि कालंलो धर्माचरण क्षीणिस्तू उन्नदि. दयचेसि मीकु उपदेशं उन्न मंत्रं कनीसं लक्ष जपं चेयंडि. मीकु अतिदग्गरलो उन्न देवालयानिकि प्रतिरोजू वॆळ्ळि अक्कडि देवत मंत्रान्नि कनीसं 108 जपंचेसि, आ देवत बलान्नि वृद्धि चेयंडि. देवत अनुग्रहं उंटेने आ प्रांतंलो धर्मं वर्धिल्लुतुंदि.
तॆलुगु